salam alaikom hai asoe nanggroe..
ka nam thoen lampoe atjeh na bala..
d teuka geumpa meuyoek-yoek bumoe...
ancoe meubagoe bangunan raya..
watee lheuh geumpa nibak poh lapan..
taggai dua nam masa nyan teuma. .
buleun dua blah dua ribee peut..
ie laot teuseut ue darat teuka..
matee dum ureung meujuta korban..
ka keunong hantam ie beuna raya..
hancoe ngon rumoh meutingkat manyang..
ancoe kendraan moto ngon honda..
ngon na seulamat luka bak badan..
tan troek bantuan ubat ngon ija..
bajee meuleuhom ban saboh badan..
ladom pakaian bak badan hana...
leupah loe korban tanggai 26..
jeut peringatan ban sigom donya..
na matee aneuk lintoe teusayang..
ladom mak tuan tan meupat mita..
ladom ka pungoe abeh ingatan..
ladoem pikiran akai ka hana..
leupah that seudeh wate ta banyang..
jatoeh dum kornban han ek ta kira..
allahu allah, allahu rabbi..
karena dalii miusibah teuka..
umat lam donya loe that salahan..
tinggai seumbahyang deungoen puasa..
allahu allah, allahu rabbon..
mohon lah ampon umat lam donya..
kamoe meulakee doa bak tuhan sidroe..
bala lam nanggroe beu jioh neuba..
by : izarmont
