SIFEUT

NYOE SALAH SABOH HIKAYAT  ATAU SIFEUT NYOENG NYOE GEUKARANG LEE TGK. SYIEK ABU LAM U. SEUFET NYOENG SEURUPA NA PEUT BOH. SABOH TEUK ATA TGK. SYIEK DIRIBEE GAMPONG RIBEE DI PIDIE. DUA DEUK HANA  LOEN TUSOE NAN KATUWOE. SIFEUN NYOE KARAB PUNAH, NA SIPAT DUA TEUK LAM GAMPONG2 DI ACEH. DI MONTASIK N BLANG BINTANG NYOE NA MANTONG UDEUP DI GAMPONG REUDEUP DAN COT HOE HOE. LEUBEH BAKNYAN TAN LOEN TUPAT..

OLEEH SEBAB NYAN LOEN LAKE MEUAH TERUTAMA BAK UREUPOE AHLIH WAREH ALMARHUM, KARENA KARANGAN  TAPI KA LOEN PROMOSI.. SEGALA SILAP DAN SALAH ATAS TULISAN MOHON KRITIK N SARAN.. DEMI KEMASLAHATAN UMMAT DAN SEJARAH.

MEUSUE JEUT SIFEUT NYOE ALIEM DI JIH ILMU FIQAH. 
SAH NGON BATEU BAK SEUMBAYANG UB BEUGLAH.

RUKON IMAN  NGON ISEULAM GEUPEU JEULAH

DAN2 LAEN DUMPEU LOEM GEU SURAH.

LOON MULA

Loon mula ngon nama po    -  murah le geumaseh that.

Loon seubah tuhan sidroe    -  lon pujoe po hadharat.

Seulweut deungon saleum   -  neupeutroeh ateuh nabi.

Dan di ateuh wareh sahbat  -  meusambat sabe-sabe.

Nyong wajeb bak islam        -  loon nadham abeh paneuk.

Han jeut han beujituban       -  bandum insan hingga aneuk.

Lom beutathee ateu donya  -  agama le-le macam

Nyong beutoi meuhat saboh   -           nyong kokoh cit islam.

Yang laen bateu han sah      -  ubak Allah neu Kabul tan.

Islam nyong that suci           -  ubak nabi meunan jalan.

ياايها الذين امنواتبواالئ الله توبة نصوحا{ التخريم :  ٨}

Assalmu alaikom wayooh hai sahbat.

Peurintah taubat jinoe loon buka.

Pertama taubat nibak dausa seukalian.

Cut ngon rayeuk  dhaher bathen beurangkajan.

Deungon lhee syarat sah ta taubat kheun ulama.

Tinggai maksit seukalian yang pertama.

Nyong keudua meunyesal that but yang lalu.

Keulhee cita han riwang le seulama umu.

Keun istighfar deungon lidah jeut-jeut waktu.

Hate gundah suntok sabee roe ie mata.

Peuna hak gop ateuh gata pulang bandum.

Lake meuah meunyo hn ek ta bayeu yum.

Bak si dumna peurintah taubat wahai taulah.

Jinoe bak sot lon peuriwang perkataan.

                  Uloen Peuphon

uloon peuphoon ngon nan tuhan rahman dan rahiim.

Murah keubit geumaseh that sangat haliim.

Bandum pujoe milek sidroe yang po alam.

Seulaweut saleum keu panghulei bandum pujoe sekalian.

Bandum wareh bandum sahbat lom ngon pubut.

Ke bajiakan lahe – baten beungoh seupot.

                 BAB Manou Hadast

Awai kitab ulon sebut rukon manoe.

Dua saja hana peu mita na di sinoe.

Nyong phon taniet bak phon basah tuboh gata.

Dua ta srh ngon ie suci ple beurata..

                 BAB Tueng Ie Seumbahyang

Bab nyong dua loon peunyata tueng ie seumbahyang.

Nam boh rukoon jroh meuturoon jan tabilang.

Nyong phon taniet jan ie taboh basah muka.

Dua ta srah ngon ie suci tap lee rata

Keu lhee ta srah jaroe dua hingga seungkee.

Keu peut sampooh sunat tab ooh punoh ulee.

Limong ta srah gaki dua hingga tumeet.

Teureutiep keu nam meuturoot-turoot rukoon sunat.

                 BAB Rukoon Lhee Blah

Bab nyong keu lhee loon peuteuntee rukoon lhee blah.

Beuta hafal jan gop sual jan ta peuglah.

Nyong phon ta niet teukeubi dua lhee berdiri

Peut fatihah limong ruku’ teukui ulei

Nam I’tidal, tujoh sujut, lapan ta duk.

Antara dua sujud rukoon sikureung duk.

Tahyeut akhe siploh hasel tahyeut sinan.

Seulaweut siblah, dua saleum, lheeblah nyou nan

Teurtiep bandum rukon lhee blah geubagi lhee.

Phon qaleubi dua qauli, fi’li keu lhee 

Nyong kalbi ingat hate lam sembahyang,

Lam teukeubi lom lam duk dong bek na bimbang

Rukoon qauli perbuatan lidah bagi limong.

Teukeubi phoen, fatihah dua kheun beukeunong.

Keulhee tahyeut, peut seulaweut, limong salem.

Rukon fi’lii but anggota tujooh tamam.

Nyong phon tadong, dua ruku’ lhee I’tidai.

Kupeut sujud, limong duk heuh sujud awal.

Nam duk tahyeut akhee, tujoh teurtip bandum.

Deungon saleum kanan kiri keu ureung dum.

Malaikat bandum teumpat dua mukmin.

Jin ngon insa, keu ngon likoet wie ngon uneun.

Hareum deungon ihram dum peu, keluar sunat.

Niet jan saleum seumbayang limong mi’reuj umat

                 Bab Seumbayang Jum’at

Bab nyong keupeut khutubah wajeb nyou loen peugah.

Limong rukon nyoeng awal phon pujoe Allah.

Nyong keu dua seulawet  beuna, wasiet keu lhee.

ngon taqwa, peu tabaca ayat teuntee.

Walau paneuk, limong du’a keu dum mukmin

Wudhuk bak na duk antara dua ta’yiin.

                 BAB Seumbayang Mayet

Bab keulimong bhah seumbayang mayeet gata.

Tujooh bileung tanyoong ureung alem gata.

Nyong phon taniet, dua dong, lhee takbir peut seun.

Fatihah peut ,seulaweut limong,keunam-takheun.

Dua lakee mayet teuntee, tujooh saleum.

Peureudhaee nyang sah ngon mukallaf nyan islam.

Lom peureudhee kifayah manoe ngon kafan.

Deungon kain puteh ngon gleh tanom tamat..

                 BAB Puasa

Bab nyong keu nam rukoon shiyaam sunat wajeb.

Dua saja thee le gata wahe thaleb.

Nyong phon taniet syarat kubiet lam goh fajar.

Dua ta theun droe lam uroe nibak munkar.

 

Ngon nan tuhan jinoe loon peuphon kitab nadham.

Rubu’ ibadah supaya sah ateuh awam.

Akan tuhan dum geutanyoe wajeb ma’rifah.

Lheh nyan teuma hai saudara peubut ibadah.

Ibadah han sah meulengkan syarat sajan.

Miseu srah najis angkat hadats nibak badan.

Han sah manoe dan srah najih ie seumbayang.

Meulaengkan ngon ie muthlak wahai taulan.

Peutama ie, keu dua tanoh alat meusuci.

Di ie gteuma hai saudara na pheut bagi.

Peutama phon ie muthlak keu dua  meukroh.

Ulhe musta’mal ie ka geungui ubak teuboh.

Teuma keu peut ie meunajis ta ngui han sah.

Ngon rooh najis ie pi hana dua kulah.

                 Ie Muthlak

Ie muthlak nyong sah tagui tujoh bagou.

Phoon ie hujeun, keudua ie krueng, dalam nanggroe.

Ie mata ie, deungon ie mon dan ie beuku,

Keu nam ie mboon nyoe meunguap nibak ie juu.

Tujooh ie laot tabeu masen dan si barang.

Sah ta pakoe bak srah najih ie seumbayang.

Nyang keu bandum ie muthlak ka loon peugah.

Laen bak nyan walau banyak tangui han sah.

Miseu ie jook deungon ie ue dan ie teubai.

Hingga laen ie nyoeng teubiet lam bak kayee.

                 Ie Dua Kulah

Ie mutheuklak na ngon dua kulah ta ngui jinoe.

Deungon tasipat miseu teumpat nyoeng peut sagou.

Si hah nam jaroe bak tasiapat buju linteung.

Lhook pi oh nan wahai taulan hana kureung.

Ie mutheulak prou najis ngonlon bayang.

Meutan ubah sah tapakoe wahai taulan.

Ie mutheulak kadang ubah lhee perkara.

Nyong phoon rupa, keudua bee keu lhee rasa.

Salah saboh dalam lhee nyan meuka ubah..

Ie nyan meuhat wahai sahbat ta-ngui han sah.

                 Ie Nyong Meukroh

Ie nyong meukroh deungo loon peugah wahee akhi.

Ie nyan bandum meukroh ta pakou walau suci.

Geuseu meukhoh ie ngon seu-um ngon mata urou.

Jeut peunyaket wahee sahbat soe nyang pakou.

                 Ie Musta’mal

Ie musta’mal nyong kureung bak dua kulah.

Ie nyan suci akan teutapi tangui han sah.

Ie musta’mal ka llheuh geungui bak peureudhee

Miseu muka, dua jaroe dan bak ulee.

Ureung ngon  tung ie seumbayang jarou di pasou.

U dalam ie lheuh srah muka wahee adou.

Lom pi hana ji niet jaroe akan cinu.

Si titek ie prouhal jatoh nibak badan.

Ureung junub jan ji manoe wahee tulan.

Ka musta’mal ie nyan bandum wahai akhi.

Syarat meunyo ekna ubah bak teukeudi.

                 Ie Meunajis

Ie meunajis deungo jinou uloon peugah.

Nyog rhot najih ie pi hana dua kulah.

Ie nyan bandum ka meunajis han jeut tamat.

Geet na ubah atawa han wahee sahbat.

Nyong gukheun najis deungoe jinoe uloon peugah.

Syou nyoeng mabok lagi caye bui ngon asai.

Seugala bangkai iek ek danoh deungon darah.

Hingga laen ta-kih keudroe tan lon peugah.

                 Meunyucikan Najis

Meunoe rupa hai saudara tasrah najis.

Meunyoe ie dit ie ta peuba ateuh najis.

Di ie nyong lee pi jeut najis ta srah.

Atau najih taboh lam ie meunan pi sah.

Bui ngon asai wajeb ta srah tujooh kali.

Beu ta jampu bak phon ta srah tanoh suci.

Bak meusuci lhee peukara nyong peureudhe..

Gadoh rupa gadoh rasa lhee gadoh bee.

                 Fardhu Manoe

Peureudhee manoe lhee perkara nyong ka tsabit.

Pertama phon nibak ngon lhee beuna ta niet...

Ngon lafadl niet ulon peugah haai saudara.

Saja lon boh baak badan lon hadast besar.

Seukalian tabooh ie ta  peutrooh wahee taulan.

Keu lhee tab boh seugala najis nibak badan.

                 Seubab-Seubab Wajeb Manoe

Wajeb manoe ngon nam seubab wahee taulan

Teubit mani, dua bertemu dua khatan.

Keu lhee seubab ureung matee beukoen syahid.

Keu peut seubab ureung binoe haid di tubit.

Limong nifas lheuh lahee aneuk teubit darah.

Keunam seubab lahee bayi kheun wiladah.

                 Hal-Hal Yang Hareum Kareuna Junub

Limoeng perkarang nyong hareum bak ureung junub.

Seumbayang, thawaf, lhe geuteugah qur’an geubeut.

Keu peut hareum mat qur’an lom keu lioeng.

Dalam mesjid ureung junup hareum tamong.

Di ureung binoe lom meutamah watee meuhaid.

Limong bunoe lhee jinoe lapan Hasel.

Nyong phoon hareum ta meujima’dalam masa.

Keudua hareum teungoh meuhaid d puasa.

Keu lhee thaleuk teungoh meuhaidl teutapi sah.

Kareuna thaleuk teungoh meuhaidl that geuteugah.

                 Hal-Hal Yang Membatalkan Wudhuk

jinoe lon seubut ngon binasa ie sembayang.

Limong perkara beutaingat wahee abang.

Salah sabaoh dua jalan di tubit syou.

Han binasa hai saudara tubit mani droe.

Qabul, dubur bak baadan droe ataupun gop.

Teupeh dua paleut dan pruet jarou.

Keu lhee tupeeh ureung inoeng deungon agam.

Tan meulapek wahee adek dan koen muhram.

Teuma keu peut akal gadoh nibak gata.

Seubab mabuk atau pitam atau gila.

Limong teungeut nibak taduk hana teutap.

Dumnan taulan yang tersebut dalam kitab.

                 Haram Bagi Orang Berhadast Kecil

Nyon hareum bak ueung ngong tan ie seubamyang.

Lhee perkara he saudara ngo loon baying.

Nyong phon hareum ta seumbayang keu dua thawaf.

Ku lhee hareum hai saudara mat mushaf.

                 Syarat-Syarat Sah Seumbayang

Bak seumbayang nam boh syarat meutan han sah.

Ta ibadah meutan syarat sia payah.

Syarat ngon phoon nyong nam peungetahuan.

Masok watee deungon yakin atau pun tan.

Keu dua syarat hadap kiblat deungon dada.

Tou ngon jioh beurangkapat wajeb hadap.

Ta toob aurat lam seumbayang syarat ngon lhee.

Geet beurangpeu ta toob aurat geet oen kayee.

Di antara pusat deungon tuoot di ureung lakoe.

Di ureung binoe nyong kon muka dua jaroe’.

Keupeut syarat suci, tempat, ija, badan.

Nibak najis nyong han meu’ah sekalian.

Limong syarat beuta turie peureudhee sunat.

Miseu takheun tahyeut awai geu kheun sunat.

Keunam syarat nibak hadast beusuci badan.

Wajeb ateuh inoeng agam meu-yucikan.

Arti hadast nyoe ji teugah but seumbahyang.

Jidong teuma bak anggota ie seumbahyang.

La ilaha illallah   -  rukon wudhuk sah enam perkara.

Pertama niet angkat hadast.

                              Keudua ta srah ie bak muka.

Keulhee ta srah dua jaroe singkee.

                              Keupeut teuntee sampoeh keupala

Limong ta srah dua gaki - lagi tertiep beuna.

Makna tertiep meuaturan –

                              Bak buet lisan ngon anggota.

 

Syarat wudhuk bak kira nam,

                              Phoon islam, akal dua,

Keu lhee syarat deungon ie suci,

                              Keu peut lagi geutah bek na,

Kalang gukee, gapu, geutah,  

                              Teupat tasrah lhee nyan bek na.

Limoeng suci nifas ngon haidl

                              Keunam haseu ilmee gata.

 

Lailaha illallah       -  rukon lhee blah loon calitra.

Pertama niet dua berdiri, lhee teukeubi rukon jihna.

Peut fatihah lam seumbayang - rukon limoeng bak bicara.

Nam I’tidal tujooh sujud - lapan ta duk antara dua.

Keusikureung duk tahyeut ache -

                              Lhee blah tamat teureutiep beuna

Makna teureutiep meu-aturan

                              Bak but lisan dan anggota.

                 Seumbahyang Jum’at

Seumbayang jum’at wahee sahbat peureudhee ‘ain.

Ateuh mukallaf meureudeka ngon muslimin.

Tujoh syarat wajeb  jum’at nyong phon iseulam .

Keudua akai, keulhee balegh, keupeut agam.

Nyoeng keulimomg meureudeka, teuma keunam.

Teutap ji duk dalam nanggroe kediaman.

Nyong keu-tujoh syarat beuna sehat badan.

Bek na saket atau uzor bak berjalan.

                 Fardhu Jum’at

Bak jum’at dua peureudhee deungoe loen peugah.

Ngon phon geu beut sira geudoeg dua khutheubah.

Dua seumbayang lheuh nyan khotheubah dua raka’at.

Suroh tuhan ateuh tanyoe pubut jum’at.

                 Syarat Sah Jum’at

Ngon limong syarat menyatakan sah jumeu’at.

Nyong phon beuna peut ploeh ureung ngoen mu’tamad.

Dua geupeudong but jumeu’at dalam nanggroe.

Atau duson geunap ureung na peut ploh drou.

Keu lhee dalam watee dluhoor pubut jumeu’at.

Keupeut syarat berjama’ah wahee sahbat.

Limong yoh goh geu-seumbahyang beut khotheubah.

Meunyoe hana limong syarat jumeu’at han sah.

                 Rukon Khuthbah

Rukoon khuhebah na limeng peu nyoung phoon pujoe dua

Selaweut lhe wasiet wahe a adou.

keu peut tuema geubeut qur’an .

limong du’a keu ureung mukmin wahe taulan .

                 Puasa

Babus shiyam uloen seubut wahe sampai.

Sebab puasa bak islam rukon keu lhee.

Wajeb puasa deungon geunap buleun sya’ban.

Atau kareuna deungon ureung lihat bulan.

Bak puasa peut peureudahee pertama niet.

Syarat taniet yoh masa goh fajar teubiet.

Nyoi lafai niet uloen peugah wahee taulan.

Singoh uroe loen puasa buleun ramadhan.

Nyong keudua theun drou nibak pajok ngon jeb.

Diphon fajar ,dhuho,ashar hingga ma’reb.

Dan nyong keulhe then drou nibak sahja wathi.

Watee uron bek ta peuto bak isteri.

Teuma keupeut theun drou nibak sanja muntah.  

Ingat sahbat nyong peureude ka loen pegah .

Ngon peut syarat wajeb ta puasa hana lebeeh.

Phon islam kedua akal,keulhe baleeh.

Keupeut syarat bek na uzok miseu saket.

Nyong tan uzor tinggai puasa meuhat ma’siat

Wahe ureung nyong puasa beuta teupeu.

Siploh perkara sou keurija   puasa batheu.

Nyong phon sampe syou u dalam rongga ulee.

Atawa pruet ngon ta sahja wahe sampai

Nyong keudua roh seungaja makan minum.

Teuma keulhee roh dua jalan syou di tamong.

Keupeut mutah  limong deungon seungaja wathi.

Teuma keunam wahai taulan teubiet mani.

Kareuna seubab roh meusapat lakoe binoe.

Atau seubab roh tamat-mat deungon jaroe.

Keutujoh haidh lapan nifas, teubit darah.

Sikureung gila, siploh teuma murtad sudah.

                 Zakeut

Babuz zakeut ulon seubut beuget tapham.

Kareuna zakeut rukon keupeut bak iseulam.

Meunoe rupa nyoeng tabri zakeut nibak hareuta.

Atau badan ngon ka wajeb ateuh gata.

Wajeb zakeut lapan jineeh beutateupeu.

Meuh dan pirak, teuma unta, lumoe keubeu.

Kibasy, kameng dan bubiri lapan ngon nyoe.

Gandung, pade, jagong kareuna jeut keutroe

Deungon nam syarat wajeb zakeut nibak harta.

Phon islam, keudua syarat mereudeka.

Keulhee milik nyong sempurna, teuma keupeut.

Bak troh nisap segala jineeh nyong wajeb zakeut.

Limong syarat beutroh sithoen miseu unta.

Keunam syarat keudroe eumpeun dijak mita.

                 JINEES PUJOU

Jinees pujou sekalian milek rabbi.
Dan seulaweut dengon saleum ateh nabi.
Dan di ateuh wareh sahbat nyong mulia.
Beek na putoos selama na langet donya.

Lheh nyan ta deunge firman Allah faseeh kalam.
Innad diina ‘indallahil islaam .
Bit agama nyong neu qabul oleh Allah.
Cit islam tinggfi maqam lagi meugah .

Agama nyong laen bandum batheu han sah.
Hana neutueng oleh tuhan lom neu marah .
Sou nyong masook bak islam nyong that suci.
Jih neugaseh oleh Allah derjat tinggi.

Meunyo ditem pubuet surooh dum peureudhee.
Dhahir bathin serta yakin jeup-jeup watee.
Sah ngon batheu beujituri ji peuteuntee.
Jijak tanyong bak ulama jimeu guree.

Lom nyong larang nibak  tuhan jeup peukara.
Jipeujiooh hareum bek rooh jikeurija .
Sifeet hate nyong jadi binasa ‘amal .
Bandum jiboh ji peugadoh beek le tinggai.

Lom I’tiqeud dum nyong wajeb bak potallah.
Ngon bak nabi beujituri jijak peusah.
Nyong mustahil lawan wajeb dan nyong harus.
Bak hak Allah dan nabi jisudi beutrooh.

Dum I’tiqeud ahlus sunnah nyong ji ikoot.
Nyong bieu’ah ngon dhalalah boh u likoot.
Tema lheh nyan ji ibadat ke u tuhan ku.
Hate kusyu’ dan tawadhu’jeup waktu.

Nyanke ureug nyong neugaseh oleh tuhan.
Lagi leupah nibak bahaya sekalian.
Leupah nibak neraka jahannam nyong that peudeh.
Han neu azeb oleh tuhan jih neugaseh.

Leupah  nibak haroo-hara padang masyar.
Lheuh bak titi teutap gaki trooh bak kautsar.
Lom neubuka keu jih pinto syurga lapan.
Neupeu teutap lam syurga kediaman.

Lheuh nyan tema beutatupeu he saudara.
Nyong agama neuhimpoon bak peut perkara.
Nyong phoon iman, islam dua, tauhid keu lhee.
Peut ma’rifat ka meusapat nyong peureudee.

Makna iman pateh Allah dengon rasul.
Peu neupeugah beutapateh dan ta qabul.
Makna islam taseuoon dum titah Allah.
Amar-nahi dengon titah rasulullah.

Makna tauhid ta peusidroe zat di tuhan.
Ta peusidroe bak sifeut ngon perbuatan.
Dan makna ma’rifat tupeu dum nyong wajeb.
ngon nyong jaiz, ngon mustahil wahe thaleb.

Bak hak Allah deungon rasul seukalian.
Nyan keu makna ka loon nyata hafal taulan.
Bukan mureud mu’rifat turi zat tuhan.
Hakikat zat han sou tukri han sou tuban.

Nabi-nabi deungon rasul dan auliyaa.
Han geutukri hakikat zat tuhan esa.
Lom pi hareum ta peuriksa hakikat zat.
Sou peuriksa jih bid’ah lagi sisat.

Karena zat po geutanyou bersalahan.
Ngon makhluk dum nyong baharu hana saban.

Peut perkara nyong tersebut oh meuhimpoon.
Jeud agama pham le gata wahe taulan .

Sangkira tan salah saboh nibak nyong peut.
Bak sidroe-droe manusia han sakon  juet.

Tan agama islam bandum bak ureung nyan.
Han sah tha’at ngon ibadat jih keutuhan.

Han geupeunan jih mukmin lom han geubooh nan.
Jih muslim muwahhidinpihan geubooh nan.

Lom jih ‘arif hana patoot ji meunama.
Sebab hana jituri tuhan nyong esa.

                        WAHE THALEB

Wahe thaleb wajeb ateh neuk adam.
Beuji turi rukoon limong blah dara agam.
Nyong limong blah deungon loon peugah beugeet tapham.
Phoon-phoon limong perkara rukoon islam.

Rukoon iman nam perkara wahe sahbat.
Tema nyong peut perkara treuk rukoon syahdat.
Tema rukoon islam limong phoon loon peugah.
Ucap dua kalimah syahadah deungon lidah.

Beusireuta tasdiq hate jipeu beunar.
Ban nyong  jikheun oleh lidah bek meuriba.
Nyong keu dua sembahyang limong boh watee.
Lam si urou si malam bandum peureudhee.

Dan nyong keulhee puasa buleun ramadhan.
Peut bohoh zakeut dum hareuta dengan badan.
Nyong keulimong ta ek haji ke baitullah.
Syarat rukon tersebut lam kitab fighah.

Rukon iman nam perkara phoon ta pateh.
Ka zat Allah dan kheun Allah hate khaleh.
Nyong keudua ta pateh na rasulullah.
Ngon kheun rasul beu tajunjung beek tabantah.

Dan nyong keulheeta pateh na malaikat.
Jeut nibak nur le bilangan han ek khimat.
Bukon inong bukon agam malaikat.
Bukon  khoontsa hansou tukri buet hadharat. 

Hana teungeut ,hana syahwat meukawen tan .
Hana aneuk ,ma  pih tan,kupi cit tan.
Hana makan,hana minom malaikat.
Hana tom rooh bak buet maksit pi meusiat

Keupeut rukon ta pateh na kitabullah.
Troen di langeet seuretooh peut pham beuceudah.
Lam kitab nyan surooh tegah pengajaran dan.
Dum geutanyoe geuyu that’atakan tuhan.

Seureutooh lhee boh ka mensoh han geutung le.
Tinggai quran hukom sinan geutung sabe.
Nyong keu limong tapateh na urou qiamat
Urou geubangket nyong ka mate bandum ummat.

Manusia ngon binatang dum geubangket.
Geuroon u blang padang mahsyar that meusaket.
Riemung, gajah, badeuk, rusa, cagee, babi.
Lumoe, keubeu, kibasy, kameng, dan kubiri.

Sidom, nyamok dan lom laen dun lat batat.
Dum geuhimpoo u blang mahsyar geupeusapat.
Reuoh-reuah hapooh-hapah that meusak-sak.
Lom ngon tutong sang han tajeut peujap tapak.

Oh trooh ubak ulee titi geupeureksa.
Peu nyong na buet get deungon jheut yooh lam.
Nyong amal get geubri tempat jih donya syiruga.

Ngon amai jeut geubri teumpat jih neuraka.

Keunam rukon ta pateh na qadar tuhan.

Get deungon jheut nibak Allah seukalian.

Iman tha’at, kufur ma’sit, gasien kaya.

Saket mangat alem jahel, hina, mulia.

Bandum nyan ngon keuheundak tuhan kon nibak drou.

Teutapi wajeb usaha dum geutanyoe.

Rukon syahadat peut perkara nyong pertama.

Ta tsabit na zat potallah beek syok sangka.

Nyong keudua ta tsabit na buet di tuhan.

Keulhee rukon thabit na buet di tuhan.

Keupeut rukon ta itsbat beunar nabi.

Seukalian nyankeu peut boh ka loon peuri.

                  I’lam Tathee

I’lam ta thee hukoom akal geubagi lhee.

Wajeb, harus, dan mustahil ka meuteuntee.

Mureud wajeb  nyong hajeut han nibak akal.

Nyong mustahil nyong han meena sagai-sagai.

Dan nyong harus meuna meetan bak ta pake.

Kalon beudeuh mureud ban lhee bek hireun le.

Komdiam nyan wajeb teuh bandum insan.

Nyong mukalaf  dara agam mengenal tuhan.

Beuji turi wajeb harus dan mustahil.

Bak hak Allah dengon rasul baek jih jahal.

Phon wajib taiktiqeud wahai taulan.

Bagi Allah lhee that sifeut kesempurnaan.        

Sifeut kamalat bagi Allah han ek hingga.

Hana wajeb tapeumeuceh dalil hana.

Teuma nyong wajeb taturi dum peumeuceh .

Dua ploh boh sifeut tuhan tap pham beugleh.

Sifeut dua ploh beuta turi masing-masing.

Beumeu peu-peu serta dalil ta peu ireng.

Wujud, qidam, baqa, mukhalafatuhul.

Lil  hawadits peut nyong ka hafai beujeu.

Qiyamuhu binafshi, wahdaniyah,

Qudrah, iradah, lapan nyongka,ilmu , hayah.

Sama,basher, kalam, lheblah sifeut nyongka .

Kaunuhu Qadiran dan kaunuhu milriidan

Kunuhuu  A’liman  nam blah sifeut nyon ka.

Kunuhuu Haiyan dan Kunuhul Samii’an.

Dan Kunuhuu bashiiran jeut sikureung blah.

Dan kunuhul mutakalliman kakeu sudah.

Jinoe ma’na bandum sifeut nyoeng dua ploh.

Ngon  loen peugah  ngon bahasa drop ham beu utooh.

Seurta dalil uloon peudong maseng-maseng.

Makna wujud na zat Allah hana bandeng.

Dalil wujud na zat Allah dum a’lam nyoe.

Nyoeng ka ta-eu di phon a’rasy troos ubumoe.

Kayee, bate, dum lat batat manusia.

Nyakeu dalil jituyok na tuhan esa.

Tanging alam bandum bahru ubah-ubah.

Na teulheuh tan, tan teulheuh na makna ubah.

Makna Qidam cit ka dilee hana meuphoom.

Zat potallah kon dilee tan wahee taulan.

Qidam hana permulaan tuhan esa.

Goh lom a’lam deungon asoe tuhan kana.

Dalil wajeb qidam Allah tan mulaan.

Meunoe  takheun sangkira nyoe bahru tuhan.

Ka keuh neuhajad ubak ureung  peuna.

Nyong peujed droe nyong meunan  mustahil jih.

Sebab lazem daur atawa tasalsulan.

Bandua nyan hana patot wahee taulan.

Makna daur meu-gisa-gisa bak seumeujeud.

Meuseu dua droe ureung meu-peujeut-peujeut.

Teuma makna tasalsula meu-ikot-ikot.

Nyong seumeunjak miseu bakat dalam laot.

Nyong seumeujeud jih, gop peujeud teuma jih nyan.

Pi gop peujeud teuma laju meunan-meunan.

Daur tasalsul mustahil na jih bandua.

Seubab jadi keutan Allah Qadiim-Baqaa.

Dali wajeb Baqa bagi Allah ta’ala.

Sangkira na Po geutanyoe dudou fana.

Kakeu bahru tuhan kita ban geutanyoe.

Teutapi mustahi tuhan sidroe.

Seubab ka lheuh dalil wajeb Qidam Allah.

Ta pham beujroeh bek meurawoh jeh meutuwah.

Makna mukhalafaatuhuu lihawaadits.

Hana sa Allah ngon peuneujeut bandum abeh.

Bersalahan Allah bagi dum nyong bahru.

Bak jeup-jeup peu zat di Allah tan sekutu.

Tan meu-tuboh zat di Allah bukon a’radh.

Sifeut bahru dong bak tuboh makna a’radh.

Miseu puteh, hitam, kuneng . hijoe mirah.

Nyan keu a’radh geuboh makna ka loen peugah.

Hana rayeuk hana cut zat tuhan kita.

Maeutuboh tan toh pakri ban cut ngon raya.

Hana jaroe hana gaki zat Potallah.

Mata tan geuliyung han hana lidah.

Laen bak nyan sifeut nibak dum nyong bahru.

Tan bak rabbi maha suci zat tuhanku.

Tan berpihak zat potallah miyub ateuh.

Keu ngon likoet, wie ngon uneun tap ham beudeuh.

Kon lam pihak tuboh laen nyong berjihat.

Miseu di wie maha suci po hadharat.

Kon di langet kon lam a’rasy kon di bumoe.

Kon di lua kon antara langet bumoe.

Tan  bermasa Uroe malam zat Potollah.

Beungoh seupot kon bak tuhan ta’alallah.

A’radh, jauhar hana di dog nibak rabbi.

Makna a’radh nyong haloh that han jeut bagi.

Hasel bandum sifeut nyong ka lheuh tersebut .

Sifeut bahru han patoot bak tuhan ma’buud.

Po geutanyoe hana misel ngon teuladan.

Tan seurupa jeup peukara ngon zat tuhan.

Tan soe tuban hakikat zat di potollah .

Han soe tukri malengkan sendiri atjeh.

Dalil ateuh  wajeb Mukhalafaatuhuu.

Lilhawaadits tap ham beugleh meunou laku.

Jakalee nap o geutanyoe nyang sirupa.

Ngon dum bahru ka keu bahru tuhan esa.

Tetapi mustahil bahru zat ta’alaa.

Seubab lheuh dalil qidam deungon baqaa.

Teuma makna Qiyaamuhuu binafsihii.

Neudoeng keudroe kaya tuhan ngon sendiri.

Teuma mureud neudoeng tuhan ngon sendiri.

Na dua peu ngon loen peugah uloen peukri.

Ngon phoon hana neu meuhajad keu zat bak dong.

Kareuna zat beukoen sifeut tap ham beukong.

Nyoeng keudua tan meuhajat uleh tuhan.

Keu ureung nyoeng peujeut zat droe nyoeng tinggian.

Dalil wajeb Qiyamuhu binafsihi.

Jakalee na neu meuhajat uleh rabbiii.

Keu zar bak doeng ka na tuhan sifeut kon zat.

Kareuna tiep-tiep nyoeng doeng bak zat sifeut meuhat.

Teutapi mustahil  Allah takheun sifeut.

Kareuna sifeut hana patoet ji meusifeut.

Deungon sifeut ma’ani dan ma’nawiyah.

Nyoeng ka makluk nyoeng doeng bak zat Allah.

Menyoe meunan nyoe keutuhan nyoeng nan Allah.

Zat ngon suci bukoen sifeut pham beuceudah.

Dan jakalee neu meuhajat le tuhanku.

Keu ureung nyoe   peujeud tsabit droe neuh bahru.

Tetapi mustahil bahru tuhan kita.

Sebab ka lheuh dalil Qidam deungon Baqaa.

Teuma ma’ana Wahdaniyah sidroe tuhan.

Bak zat sidroe bak sifeut sidroe bak perbuatan.

Mureud sidroe tuhan  bak zat ngon loen peugah.

Tan soe laen nyoeng serupa ngoen zat Allah.

Mureud sidroe bak sifeut tanna meu sidroe.

Nyoeng meusifeut lagee sifeut poe geutanyoe.

Mureud sidroe bak perbuatan meunoe makna.

Dum meukheuluk seukian buet jih hana.

Nyoeng na nibak dum meukheuluk ji usaha.

Ji ehtiyeu nyoeng bri beukas tuhan esa.

Dalil wajeb Wahdaniyah bak zat tuhan.

Ngon bak sifeut  ngon loen nyata wahee taulan.

Jakalee na dua tuhan nyong seumeujeut.

Ka kheuh hana makluk nyoe sapeu han jeut.

Kareuna sidroe khendak peuna dan nyoeng sidroe.

Khendak peu tan meunyoe ek jeut daif sidroe.

Meunyoe tsabit dhaif sidroe nibak dua.

Nyoe sidroe treuk dhaif  ciet  lom hana beda.

Kareuna dua gop nyan saban zat ngon sifat.

Meunyoe dhaif  gop nyoe dhaif  gop jeh meuhat.

https://m.youtube.com/watch?v=hqUAXCxUQnU