PAWON MEUH 2

Assalamu ‘alaikom warahmatullah..
Lon sambong kisah awai teutunda.
Kisah pawoen meuh raja di marwan..
Ka putoh sikhan dilee meumada..

Allahu rabbi nyoeng tung barakat..
Jinoe hikayat lon ulon calitra..
Beuneubree lapang hate ngon urat..
Bek sampoe seusat bak rangkai kata..

Seulaweut saleum sabee lon ucap..
Nabi Muhammad nyoeng ulon cinta..
Geutuyok jalan dalam beureukat..
Bek sampoe seusat singoh dimahsya..

Guree ngon ayah bandum sahabat..
Saleum lon surat dalam calitra..
Lon lakee meuah muken na silap..
Nibak meukarat lon tuleh kata..

Kisah nyong kaleupah abeh ka meuhat..
Meukawen ligat putroe di raja..
Ngon hatee seunang saree seumangat..
Kajeut keu ubat luka di dada..

Watee kaleupah qadhi peu-ucap..
Dua kalimat syahdat phon mula..
Seureuta yue kheun akan seulatwat..
Akan Muhammad rasul saidina..

Leupah nibak nyan saree lee ligat..
Jaroe seumeumat dua ngon raja..
Syarat peuteuntai saksi ramai that..
Timue ngon barat keunan troek teuka..

Saree dum meutoe ulama meuhat..
Saksi hai sahbat keunan di teuka..
Raja di marwan geutanyoeng ligat..
Peukheuh ka siap meusandeng dua..

Ngon hate malee di jaweub meunoe..
Saree ngon dimoe tijoh ie mata..
Kamoe nyoe gasien tinggai lam jurong..
Rumoh ubong oen binteh meuria..

Paki di raja malee ngon kawoem..
Oh dipandang lon sianeuk papa..
Neuingat-ingat baginda harun..
Ek muken dilon ek singgahsana..

Geujaweub raja saree lee meuhat..
Sira geuangkat geupandang mata..
Watee ka puteh buleun lam awan..
Angen peutimang di awan mega..

Hana peusangsi meuseu ata nyan..
Allah yue sayang tan pileh kadra..
Uloen nyoe raja haruslah adee..
Bek pileh pakhee gasiin ngon kaya..

Adak pih putroe seunang beukoen lee..
Hate that reulee lon tulak gata..
Wahai euk aneuk sibungong macang..
Peukheun ek seunang meusandeng dua..

Meuseu digata neuthoe diputroe..
Jeut mangat jinoe ulon peunyata..
Uloen peujadeh langsong jue jinoe..
Saksi disinoe bandum ka teuka..

Gunong gureutee payang meuhayak..
Han sioroe jak puta ngon aki..
Ulon teurimong diputoe lagak..
mahar neusawat bek sampai tinggi..

Seubab di ulon wahai baginda..
Kaneunging rupa kureug raseuki..
Adak na bacut jan-jan keunira..
Lon bagi dua sabee ngon ummi..

Di putik langsat kumang uncok bak..
Nyong bai meuhayak minyeuk kasturi..
Walau neupaksa keulon neupeusak..
Han ek lon sawak pawon aseulii..

Wahai aneuk loen pawang keumudong..
Janamai adoe hana lon kira...
kasep pawon meuh nyoeng tumai baroe..
ata siputroe siti khumaira..

langsong teujaweub ngon hate girang..
nyoe izin tuhan allah Ta’ala..
loen tueng diputroe dijieh di istri..
syarat dan lagi jinoe long bungka..

uloen meuhajat wahai rajaku..
allah yang satu sabee di puja..
andai meubalek kiblat di peukeu..
lon talak lajue wahai baginda..

syarat keu dua ulon peuteuntee.
Meubek sampai bei nyoeng nomor dua..
Na laen agam kadang yang tari..
Hate ka sansi uloen tan rela..

Syarat ngon keu lheu laen lon bagi..
Sidroe istri harus taat harus na..
Beudipateh yang tham suami..
Dan aneuk lagi beujitem jaga..

Seu-0t lee raja ngon seunang hati..
Tan salah lagi lagee lon pinta..
Sabee lon junjong hai nyak puteh die..
Bak sinyak siti moden nyan rupa..

Sabee lon junjong malam ngon hari..
Bek sampoe sansi lon mohon pinta..
Meunyoe ka meunan hai bungoeng panjoe..
Gata jue jinoe uloe peunyata..

Uloeun peunikah gata hai adoe..
Saksi disinoe raamai yang teuka..
Keu teungku qhadi Muhammad hasan..
Baca qur’an teungku mazzani..

Watee ka leupah geupeunyatakan..
Do’a oh lheuh nya teungku hasyimi..
Watee kaleupah acara sikhan ..
Rakyat that seunang pajoh khanduri..

Nyong tagun kuah apalah preman..
nyong bagi kawan teuku khumaini..
nyong atoe pireng nyan si die puntong..
nyong paleeng ang-ong mayak ngon bayi..

haba ka abeh tuleh ka lanjoe..
ka abeh atoe kata si banja..
nyoeng karang kisah Izar ngon atoe..
salah teulanjoe meuh beusigra..

Wassalam

Izar Montes
19:37. 07 juni 2011